ladki bahin yojana ; लाडकी बहिण योजनेत नवीन सहा बदल ; महिलांना दिलासा
लाडकी बहिण योजना राबविण्यासाठी सरकारकडून जोरदार प्रयत्न सुरू आहेत. योजनेत वेळोवेळी बदल करून अर्ज करण्यासाठी येणाऱ्या अडचणी काढल्या जात आहेत. या योजनेत पुन्हा सहा बदल करून कागदपत्रे ,यादी, ओटीपी कालावधी बाबतीत बदल केले आहे. या योजनेत दर महिन्याला 1500 रुपये येणार असल्याने या योजनेत सहभागी होण्यासाठी महिलांची धावपळ सुरू आहे.
अजित पवार यांनी रक्षाबंधन च्या मुहुर्तावर योजनेचा पहिल्या हप्ता येणार असल्याचे सांगितले आहे. पहिल्या हप्त्यात 3000 रूपये येणार आहे. योजनेत झालेले सहा बदल पाहुया.
🟠 या योजनेचा लाभ घेण्यासाठी पोस्ट बँक खाते ग्राह्य धरले जाणार आहे.
🟣 एखाद्या महिलेचा परराज्यामध्ये जन्म झाला असेल आणि तिने महाराष्ट्रात अधिवास असलेल्या पुरुषासोबत विवाह केला तर त्याही महिलेला पतीच्या कागदपत्रांवरती योजनेचा लाभ मिळणार आहे.
🔵 ग्रामस्तरीय समितीच्यामार्फत प्रत्येक शनिवारी लाभार्थी महिलांची यादी वाचन करून दाखवून त्यात बदल करावा लागणार आहे.
🟡 केंद्र सरकारची योजना घेत असलेल्या महिलेला लाभार्थी म्हणून ग्राह्य धरावे. मात्र, तिच्याकडून ऑफलाईन अर्ज भरून घेण्यात यावा.
🔴 नव विवाहित महिलेची विवाह नोंदणी लगेच शक्य नसेल तर त्या महिलेच्या विवाह दाखल्यानुसार पतीचे रेशन कार्ड पुरावा म्हणून ग्राह्य धरावे.
🟠 ओटीपीचा कालावधी 10 मिनिटांचा करण्यात यावा. विशेष बाब म्हणजे या अंमलबजावणीसाठी इतिवृत्ताची वाट न पाहता तात्काळ शासन निर्णय काढून अंमलबजावणी करायला सुरुवात करावी, असा निर्णय आजच्या बैठकीत झाला.
